0

اپنے روزمرہ کے معمولات کا محاسبہ (checking)کرنا بے حد ضروری ہے کیونکہ اسی محاسبے سے آپ اپنی زندگی کو بہتر بنا سکتے ہیں۔ ہمارے بزرگانِ دین اور اسلاف کا بھی یہی معمول تھا۔ محاسبے کے اس عمل کو آسان اور منظم بنانے کے لیے آپ کی خدمت میں پیش ہے مکتبۃ المدینہ کا شائع کر دہ ’’40 مدنی انعامات ‘‘ کا رسالہ۔"40 مدنی انعامات" کا یہ رسالہ خصوصاً مدنی منوں یعنی نابالغ بچوں کے لیے مرتب کیا گیا ہے ۔ اس رسالے کے ذریعے امیر اَہلسنّت دامت برکاتہم العالیہ نے نفس و شیطان کے دھوکے اور فریب سے بچنے کا ایک بڑا ہی آسان طریقہ متعارف کروایاہے ۔ اس سالہ میں روز مرہ کے معمولات سے متعلق مختلف سوالات ہیں یعنی نماز، درود پاک ، تلاوت قرآن وغیرہ، جن کے جوابات روزانہ دینے ہوتے ہیں اور مہینے کے آخر میں یہ رسالہ دعوت اسلامی کے ذ مہ داراسلامی بھائی کے پاس جمع کروایا جاتاہے۔ اس رسالے میں مدنی انعامات کی تقسیم کچھ یوں ہے: یومیہ29(روزانہ کے)مدنی انعامات، ہفتہ وار 2 مدنی انعامات ، ماہانہ 3 مدنی انعامات،سالانہ 6مدنی انعامات۔ نیراس میں قفل مدینہ کی کارکردگی بھی شامل ہے ۔ اس رسالے کو روزانہ ایمان داری سے پُر کر کے کوئی بھی مدنی منا اپنے اعمال کا جائزہ لے سکتا ہے کہ اس کے اعمال اچھے ہیں یا برے ، وہ کتنا اسلامی تعلیمات پر عمل کر رہا ہے اور کہاں کوتاہی کر رہا ہے ۔ اس مدنی انعامات کے رسالے کا مقصد یہی ہے کہ بچپن ہی سے بچوں میں اپنا محاسبہ کرنے کی عادت پیدا ہو۔